တချိန်က စင်္ကာပူ မလေးရှား တို့သည် ဗုဒ္ဒဘာသာနိုင်ငံများဖြစ်ကြသည်။ ခုအချိန်မှာတော့ စင်္ကာပူ မလေးရှားရောက်ရင် ဗဟုသုတကလွဲလို့ မြန်မာကျောင်းတွေက ဘုရားပုံတော် ဆင်းတုတော်တွေ ရှိခိုးဦးချကန်တော့ရုံမှတပါး မရှိသလောက်ဖြစ်လို့နေချေပြီ ဆိုတော့ စိတ်မကောင်းမိခဲ့ရုံမှတပါး ဘာတတ်နိုင်မှာလဲ။ ဘာသာရေး ရိုက်ချိုးနှိမ်ချခံခဲ့ရလေပြီ။ သို့သော် ဘာသာရေး(ဗုဒ္ဒ)ကင်းမဲ့နေသော နိုင်ငံတွေမှာ မြန်မာကျောင်းတော်တွေမှ နိုင်ငံခြားရောက် ရွှေမြန်မာတို့အား ဓမ္မရေအေးများ တိုက်ကျွေးခဲ့တာတွေလဲတွေ့ခဲ့ ရှိနေခဲ့တော့ တနည်းအားဖြင့် စိတ်ဖြေစရာ ရရျိခဲ့ပါတယ်လေ။ နိုင်ငံရပ်ခြားရောက်နေကြသော ရွှေမြန်မာတို့သည်လည်း ဘာသာတရား(ဗုဒ္ဒ) ကင်းမဲ့နေသော နိုင်ငံတွေမှာ မိမိတို့ မိရိုးဖလာ ဘာသာကို လက်လွတ်မဆုံးရှုံးစေချင်ပါ။ တတ်နိုင်သမျှ ဘုရားဟောဖေါ်ညွှန်ပြဆုမ္မသည့် နည်းလမ်းများကို အချိန်ရသည်နှင့် အကျင့်တခုအနေနဲ့ လုပ်ဆောင်သင့်သည်။ နိုင်ငံတိုင်းမှာ အလုပ်လုပ်ရသည် အချိန်နှင့်အမျှ အလုပ်လုပ်နေရသည် မှန်၏။ သို့သော်ငြားလည်း အလုပ်သွားချိန် ရထားပေါ် ကားပေါ်တွေမှာ မေတ္တာပွားများခြင်း။ ဂုဏ်တော်ပွားများခြင်းတို့ဖြင့် မိမိကိုးကွယ်တဲ့ ဗုဒ္ဒဘာသာ ကို အမှတ်ရအောက်မေ့စေခြင်းဖြင့် အန္တရာယ်လဲ ကင်းစေ၏။ စင်္ကာပူနိုင်ငံလူအများတို့သည် ရထားပေါ် ကားပေါ်မှာ ယ္ခု ခေတ်စားနေသော အိုင်ဖုန်းကိုယ်စီဖြင့် အလုပ်တွေလုပ်နေကြသည်လား. ဘာလားတော့မသိ အလုပ်တွေရှုတ်နေကြသည် ရွှေမြန်မာတို့အနေနှင့် ရထားပေါ်ကားပေါ်မှာ ဂုဏ်တော်ပွားခြင်း မေတ္တာပွားခြင်း စတဲ့ ပိုက်ဆံမကုန်ပဲ ကုသိုလ်ဖြစ်စေသည်။ ဒီလိုလေးတွေ လေ့ကျင့်လာသည်နှင့်အမျှ နေ့စဉ် ရွတ်ဆိုပွားများလာခဲ့ရင် စိတ်ချမ်းသာမှု ရရှိစေမည်မှာအမှန်ဖြစ်၏။ လွန်ခဲ့သည့် နှစ်များစွာက မြတ်မင်္ဂလာစာစောင်လေလား မမှတ်မိခဲ့။ ဗောဓိတထောင်ဆရာတော် မလွန်မှီက ဖြစ်၏။ ဆရာတော်သည် ကျမ္မာရေး အတော်ဆိုးရွာနေသည်။ မန္တလေးမြို့သို့ ဆေးခန်းသွားပြသည် ဆရာတော်၏ ကျမ္မာရေးသည် စိုးရိမ်ရသည်ဟူ၏။ ဆေးခန်းထိုင် ဆရာဝန်ပြောသောစကားသည် အင်္ဂလိပ်လိုပြောပြနေသည် ဆရာတော် နောက် ၂ ရက်ဆို..တဲ့။ မုံရွာမြို့သို့ ရောက်စေရန် (၂)ရက်နေ ဆေးထိုးပေးလိုက်တော့၏။ ပင့်ဆောင်သွားသော ဒကာတော်များသည်လည်း မျက်နှာမသာမယာနှင့် မှန်ကြည့်စရာမလိုပဲ မျက်နှာတွင် ပေါ်စေသည် ဟူသော စကားအတိုင်း ဒကာတော်များသည် လက်မှိုင်ချကာ ဆရာတော်အား ကားဖြင့်မုံရွာမြို့သို့ ပြန်လည် ပင့်ဆောင်ခဲ့လေပြီ ။ ဆရာတော်သည် သိသည် အော်..ငါမနေရတော့ပါလားဆိုပြီး အသိစိတ်ကို ငါ သေလျှင် ဘုရားနဲ့ဖတ်ပြီးသေမည်ဟု ယုံကြည်မှုဖြင့် လမ်းတလျှောက်ဆရာတော်သည် “နမောတဿ ဘဂ၀တော အရဟတော သမ္မာသမ္ဖုဒ္ဒဿ”ကို သတိဖြင့် ရွတ်စေသည်။ ဤ နမောတဿ စသည်သည် ဂုဏ်တော်(၉)ပါးမဟုတ် ဂုဏ်တော် (၃)ပါးသာ ပါဝင်နေသည်။ ဆရာဝန်သည် မှာတမ်းခြွေလိုက်သည်။ နောက်တပတ်ခန့်နေရင် ပြန်လာပြပါဟု အားရှိစေအောင် ဆရာတော်ကြားအောင် ပြောသည်ဟူ၏။ ဆရာတော်သည် စောစောကပြောသော ၂ ရက်နေစေနိုင်ရန်ဆေးထိုးပေးသည်ကို သိသည် ။ သို့သော် ဆရာတော်သည် အသိရှိသည်။ ဂုဏ်တော်(၉)ပါးအနက် ဘဂ၀ါ ဂုဏ်တော်။ အရဟံ ဂုဏ်တော်။ သမ္မာသမ္ဖုဒ္ဒ ဂုဏ်တော်။ နမောတဿ ဘဂ၀တော အရဟတော သမ္မာသမ္ဖုဒ္ဒဿ။ ၄င်းထဲတွင် ဂုဏ်တော် (၃)ပါးဖြင့် ရွတ်ဆိုသည် သတိရနေသည်။ရွတ်ဆိုနေသည်။ မုံရွာ မန္တလေး လမ်းတလျှောက်တွင် အခေါက်ပေါင်း မရေတွက်နိုင်။ မုံရွာပြန်ရောက်သည်။ ဒကာတော်တွေသည်ကား မျက်နှာမသာမယာဖြင့် ဆရာတော်အား နားစေသည်။ တရက် ဆရာတော်သည် ထူးခြားလာ၏။၂ ရက် သက်သာခဲ့ပြန်၏။ တပတ်ခန့်အကြာ မန္တလေးမြို့သို့ ပြန်၍ ဆေးခန်းပြသည်။ ဆရာတော်သည်လန်းဆန်းနေလျှက် အင်အားတွေလဲ နဂိုရ်နှင့်မတူသည်မို့ ဆရာတော်ကို မြင်သည်နှင့် ဆရာဝန်သည်မျက်လုံးများပြူးလျှက် ဆရာတော်၏ ကျမ္မာရေးအခြေနေသည် ထူးခြားနေသည် မို့ ဆရာတော်အား ဆရာဝန်သည် လျှောက်တင်၏။ ဆရာတော် ဘာဆေးတွေများမှီဝဲပါသလဲဘုရား အိမ်း ဒကာတော်ပေးတဲ့ဆေးပဲလေကွယ်.ဟူ၏။ မဟုတ်ပါဘူးဘုရား အခြားဘာဆေးများမှီဝဲပါသလဲဘုရား ဟု ပြန်လည်လျှောက်သည်။ သည်တော့မှ ဆရာတော်သည် ငါ သေတော့မယ်လို့ ပြောလိုက်တယ်လေ ငါသေရမဲ့အတူတူ မြတ်စွာဘုရားရဲ့ ဂုဏ်တော် (၃)ပါးပါတဲ့” နမော တဿ ဘဂ၀တော အရဟတော သမ္မာသမ္ဖုဒ္ဒဿ “ဒီ ဂါထာလေးရွတ်ဆိုပြီးပြန်ခဲ့တာပဲ ဟူ၏။ ဆရာတော်ဘုရား ဆက်လက်ပြီး ၄င်းဆေးကိုသာ မှီဝဲတော်မူပါဘုရားဟု ဆရာဝန်၏ မျက်နှာသည်လည်းအပြုံးတို့ဖြင့် ဆရာတော်၏ ဝေဒနာသည် လည်း သက်သာရာရစေသည်။ လိုက်ပို့သောဒကာတော်တို့၏ မျက်နှာသည်လည်း အပြုံးတို့ဝေဆာလျှက်ရှိကြသည်။ နိုင်ငံရပ်ခြား အလုပ်လုပ်နေကြသော ရွှေမြန်မာတို့ မိမိတို့ နေ့စဉ် ရထားတို့ဖြင့်၎င်း, ကားတို့ဖြင့်၎င်း သွားလာနေထိုင်ကြရသည်။ ထိုအချိန်လေးကို ရယူပြီး ဂုဏ်တော်ပွားများခြင်းဖြင့်၎င်း, အလုပ်နေရာသို့ သွားကြခြင်းဖြင့် မိမိတို့ မိရိုးဖလာ ဘာသာဝါဒ ကိုလည်းမမေ့နိုင်သလို အန္တရယ်လည်းကင်းစေသည်။ စောဒက တတ်လာနိုင်မည် စင်္ကာပူနိုင်ငံမှာ စက်မှုတိုးတက်တဲ့နိုင်ငံပဲ မဖြစ်နိုင်ပါဘူးလို့ စောဒကတတ်ဖွယ်များရှိနိုင်မည်။ မိုဃ်းသည် မပြိုနိုင်ခဲ့ ပြိုခဲ့သည်ရှိသော် တချက်ခုတ် နှစ်ချက်ပြတ် သတိပေးပါ၏။ မိမိ၏ အယူဝါဒ ဘာသာသာသနာကိုလည်းအမှတ်ရစေအောင် မိမိသန္တာန်မှာ ဘုရားဂုဏ်တော်တွေ ပွားများနေခြင်းဖြင့် အန္တရယ်တွေလည်း မကျစေနိုင်အောင် ရွှေမြန်မာတို့အား သတိပေးခြင်းသာဖြစ်၏။ ဗုဒ္ဒဘာသာ မဟုတ်သော နိုင်ငံတွေမှာ ဘာသာတရားကို ပိုလို့ လုပ်စေသင့်သည်။ မိမိအလုပ်ကိုင်များအဆင်ပြေသည် ချောမွတ်စေသည်။ ယုံကြည်မှုအပြည့်အ၀ဖြင့် ပြုလုပ်စေသင့်သည်။ ခလုတ်ထိမှ အမိဆိုတာမတသင့်။ မိမိခု ရောက်ရှိခဲ့သော စင်္ကာပူ မလေးရှားစတဲ့ နိုင်ငံတို့သည် တချိန်က ဗုဒ္ဒဘာသာများဖြစ်ကြသည်။ ယ္ခု မူ ဘာသာခြားတို့ ၀ါးမျိုခဲ့လို့ ဘာသာတွေလည်းပျောက်ကွယ်ခဲ့ပြီ။ နိုင်ငံရပ်ခြားတိုင်းတပါးမှာ စီးပွားရေးအရ အလုပ်လုပ်နေကြသော ရွှေမြန်မာတို့အနေနဲ့ ဘာသာတရား မမေ့မလျှော့ခြင့်ဖြင့် မိမိဘာသာကို အမွှန်းတင်ကာ ဘာသာမဲ့လာသူများမဖြစ်စေလိုသော သမ္မာဆန္ဒလေးတခုနဲ့သတိပေးခြင်းပါ။ ယခု တွေ့ကြုံခဲ့ရပါသည် သင်္ကြန်ကာလလေးတွေမှာ မြန်မာရဟန်းတော်များရှိရာသို့ချဉ်းကပ်ပြီး ဆွမ်းအလှူတွေပြုလုပ်ကြသည် ပရိတ်တွေနာကြသည် ၅ပါးသီလတွေ ဆောက်တည်ကြရသည်။ တချို့နေရာလေးတွေမှာ ဘာသာရေးအဖွဲ့အစည်းလေးတွေ တောင် ဖွဲ့ထားကြသည်။ ကြားရသည့် သတင်းလေးတွေကြောင့် စိတ်ချမ်းသာမှုတွေဖြစ်တည်ခဲ့ရပါ၏။ စင်္ကာပူနိုင်ငံမှာလည်း ရုံးပိတ်ရက်များ ရွှေမြန်မာတို့ ကျောင်းသို့လာပြီးဆွမ်းကပ်ကြသည်။ ပဋ္ဌာန်းတော်များရွတ်ဖတ်ခြင်း တရားထိုင်ခြင်းပြုလုပ်နေတာတွေ့ရှိခဲ့သည်မို့ ဘာသာကင်းမဲ့သူတို့ မဖြစ်နိုင်ကြဟု လည်း တွေးထင်မိခဲ့သည်။ ကျောင်းကြီးကျောင်း (တိုပါယို=TOAPAYOH) မှာတွေ့ရှိခဲ့ရသည် ။ကျောင်းအပေါ်မှာ ဘုရားဆင်းတုတော်ကြီးသည်လည်း အပေါ်ထပ် အလည်ထပ် မှာထီးထီးကြီး ကြည်ညိုစရာ ရွှေမြန်မာတို့ တရားထိုင်ခွင့်ရကြသည်။ ပဋ္ဌာန်းရွတ်ခွင့်တွေရကြသည်။ နိုင်ငံရပ်ခြားတိုင်းတပါးမှာနေခြင်းဖြင့် အားကိုးစရာသည် ဗုဒ္ဒဟောကြားတရားတော်များနှင့် ဘုရားဂုဏ်တော်တို့သည် အားကိုးစရာ လက်နက်တွေ ဟု အာမခံချက်ပေးလိုက်ရင်း..ရွှေမြန်မာတို့ နိုင်ငံရပ်ခြားတိုင်းတပါးမှာ အသိရှိကြပါစေ။ အသိကို သတိလေးနဲ့ တွဲကပ်လို့ ဘာသာရေးများလည်း စွမ်းနိုင်သမျှ လုပ်ဆောင်နိုင်ကြပါစေလို့..ကောင်းမြတ်သောသမ္မာဆန္ဒစိတ်ထားလေးဖြင့်…
No comments:
Post a Comment