အားထုတ်မှုကင်းရလျှင်းချမ်းသာ ထိုနေရာများရှိငြားမှန်စွာ သင်ကိုယ်တိုင်လည်းထိုပဲသွားပါ ငါ့ကိုလဲထိုပဲပို့ပေးပါ (သုသိမသုတ်)

Saturday, December 24, 2011

ဗုဒ္ဓကို လိုက်တုသော ဂျိန်း



ဂျိန်းဘာသာနှင့် ပက်သက်သော အချက်အလက်များကို အရင်ပို့စ် ဒီနေရာတွင် ဖော်ပြထားပါသည်၊  ယင်းဘာသာ အကြောင်းကို အရင်လေ့လာထားပြီးမှ ဤပို့စ်ကို ဆက်စပ်ကာ လေ့လာရန် အကြံပေးလိုပါသည်၊

၁။ ဗုဒ္ဓသည် သက္ကတိုင်း ကပိလ၀တ္ထုမြို့ သာကီဝင်မင်းမျိုးမှ မင်းသားဖြစ်သည်။
ဂျိနသည် ၀ဇ္ဇီတိုင်း ဝေသာလီမြို့ လိစ္ဆ၀ီမင်းမျိုးမှ မင်းသားဖြစ်သည်။
၂။ ဗုဒ္ဓသည်တ၀မ်းကွဲနှမတော်စပ်သူ ယသော်ဓရာနှင့် လက်ဆက်ပြိး သားတယောက်ရသောအခါ အသက်(၂၉) တွင် တောထွက်သည်။
ဂျိနသည်လည်း တ၀မ်းကွဲနှမနှင့် လက်ထက်ကာ သမီးတယောက်ရသောအခါ အသက်(၃၀)တွင် တောထွက်သည်။
၃။ ဗုဒ္ဓသည် သူအို၊ သူနာ သူသေ ရဟန်းကိုမြင်ကာ တောထွက်ခြင်း ဖြစ်သည်။
ဂျိန၏ တောထွက်ခြင်းအကြောင်းကို မသိရပါ။

၎။ ဗုဒ္ဓသည် ဃဋိကာရဗြဟ္မာပေးသော စိရ သင်္ကန်းကို ဆင်မြန်းသည်။
ဂျိနသည် တောထွက်ရာတွင် နိဂဏ္ဍဂိုဏ်းဝင်ဘုန်းကြီးများကဲ့သို့ အ၀တ်မစည်းပဲ ၀တ်လစ်စလစ် Naked, Nude အဖြစ်ဖြင့် နေသည်။
၅။ ဗုဒ္ဓသည် လမ်းမှန်မဟုတ်သော ကိလေသာငြိမ်းစေရန် နည်းလမ်း မပေးနိုင်သောအာဠာရ ဥဒကရသေ့တို့ကို စွန့်ခွာကာ ဒုက္ကရစရိယာအကျင့်ကို (၆)နှစ်တိတိ ကျင့်သည်။
ဂျိနသည် နိဂဏ္ဍဂိုဏ်းတို့၏ ကျင့်စဉ် သတ္တ၀ါအားလုံးတို့အား မညှင်းဆဲခြင်း အဟိံသာဝါဒတရား စသောအကျင့်များကို ( ၁၂ နှစ်ကြာ) ကျင့်ခဲ့သည်။

၆။ ဗုဒ္ဓသည် ဒုက္ကရစရိယာအကျင့်ကို လမ်းမှားဟု သိမြင်ကာ ငယ်ရွယ်စဉ် ငါးနှစ်သားကတည်းက တွေ့ သိခဲ့သော အာနာပါနကျင့်စဉ်ကို အခြေခံပြီး ၀ိပဿနာကျင့်စဉ်ဖြင့် သစ္စာလေးပါးကို မြင်နိုင်သော ဘုရားတစ်ဆူ ဖြစ်လာသည်။
ဂျိနသည် နိဂဏ္ဍဂိုဏ်းခေါင်းဆောင် သေသောအခါ အလိုလို ဘုရားဖြစ်လာသည်။

၇။ ဗုဒ္ဓသည် ခန္ဓာကိုယ်မှ သံယောဇဉ်ဟူသော ကိလေသာများ ၊ စိတ် စေတသိက်များ ကုန်ခမ်းသွားအောင် ရှုမှတ်ခြင်း ၀ိပဿနာ Vipassana ကိုလုပ်နိုင်ပါမှ သန္တိသုခ နိဗ္ဗာန်ကို ရောက်နိုင်မည် ဟု ဟောကြားခဲ့သည်။ သာဝကအား လုံးတို့သည်လည်း ထိုအတိုင်း ကိလေသာကင်းပြတ်အောင် ကျင့်ကြံပြိး ၀ဋ်ဒုက္ခမှ လွတ်မြောက်သွားကြရ၏။

ဂျိနသည် သူ့သာဝကများအား မိမိခန္ဓာကိုယ်ကို ညှင်းဆဲမှု ( အတ္တကိလမထ နုယောဂ ) Self Mortification အကျင့်ကို ကျင့်ကြံမှ ကိလေသာကင်းပြတ်ပြီး ချမ်းသာရမည်ဟု ဟောပြောသည်။ သူ့တပည့် ဂျိန်းဘုန်းကြီးများသည် မိမိ၏ ယောကျာ်းအင်္ဂါဇာတ်များကို ဒုတ် ၊ လက်ဝါး ၊ သံမှို စသည်ဖြင့် ကိလေသာ တဏှာစိတ် မဖြစ်ပေါ်အောင် မထကြွရအောင် အမြဲ ညှင်းဆဲထားရသည်။

၈။ ဗုဒ္ဓဘာသာဝင်များသည် ဗုဒ္ဓရုပ်တုကို လက္ခဏာတော် (၃၂ )ပါးနှင့်အညီ ထုလုပ်ကိုးကွယ်ကြသည်။
ဂျိန်းဘာသာဝင်များသည် ဂျိနရုပ်တုကို ဗုဒ္ဓရုပ်ပွားတော်အတိုင်း အတူလုပ်ကာ ထုလုပ်ပူဇော်ကြသည်။
၉။ အသောကမင်းကြီးသည် ဗုဒ္ဓဟောကြားတော်မူခဲ့သော ဓမ္မစကြာတရားတော်ကို အထိမ်းအမှတ်အဖြစ် စင်္ကြာအ၀ိုင်း ပုံသဏ္ဍာန်ပြုလုပ်ပြီး မိဂဒါဝုန်တွင် စိုက်ထူခဲ့သည်။ ထိုကျောက်စာတိုင်ကို အိန္ဒိယနိုင်ငံတော် တံဆိပ်အဖြစ် ယနေ့အထိ အသုံးပြုနေဆဲဖြစ်သည်။

ဂျိန်းဘာသာဝင်များသည် ဂျိန်းဘုရား ဟောကြားသော သတ္တ၀ါမှန်သမျှအား မညှင်းဆဲခြင်း အဟိံသာတရားကို  လေး ထောင့် စင်္ကြာပုံသဏ္ဍာန်ပြုလုပ်ကာ( ဟစ်တလာ အမှတ်တံဆိပ် ပုံစံအတိုင်း)  ဂျိန်းဘုရားရုပ်တုတို့၌၄င်း၊ ကျောင်း ဆောင်တို့တွင်၎င်း ထုလုပ်ကိုးကွယ်ကြသည်။
၁၀။ ဗုဒ္ဓဘာသာဝင်များတွင် ထေရ၀ါဒတောင်ပိုင်း ဗုဒ္ဓဘာသာဟူ၍၄င်း၊ မဟာယာန မြောက်ပိုင်း ဗုဒ္ဓဘ
ဂျိန်းဘာသာများသည် ဒိဂမ္ဗရ ( အ၀တ်မ၀တ်သော ဂိုဏ်း ) ဆီတမ္ဗရ ( အ၀တ်ဝတ်သောဂိုဏ်း )အား ဖြင့် နှစ်ဂိုဏ်း ကွဲပြားပြန်သည်။
ာသာ ဟူ၍၄င်း ဂိုဏ်းကြီးနှစ်ဂိုဏ်း ကွဲပြားခဲ့၏။
မှားတာ မှန်တာသည် နောက်မှာအသာထား၊ ဤကဲ့သို့ ပရိသတ်အင်အား၊ ဂိုဏ်းဂဏများ တောင့်တင်းလာသောအခါ... ကုန်ရှုံးတော့ တခေါက်၊ ဆရာတင် မှားတော့ တစ်သံသရာလုံး မှောက် ... ဆိုသလို လမ်းစဉ်မှားကြမိရင်ဖြင့် ... ဆရာတင် မှားကြမိရင်ဖြင့် ... သံသရာမှာ လမ်းမှားကြီးအတိုင်း ဆက်မျောရပေအုံးတော့မည် ...

အသက်ရှုရင် ပါးစပ်ထဲကို ပိုးမွှားငယ်လေးတွေ ၀င်လာပြီး သေရင် ပါဏာတိပါတကံ ထိုက်မှာ စိုးလို့ ပါးစပ်ကို ပိတ်ထားရပါသတဲ့ ... နှာခေါင်းကနေ ၀င်မှာကိုတော့ မစိုးရိမ်ဘူး ထင်ပါရဲ့ ...

 သူတို့ ကျောင်းတော်ကြီးတွေကလဲ မယုံနိုင်စရာမြင်ကွင်းများပါပဲ၊
ဒါကြောင့် ကြားဖူးတဲ့ စကားလေး တခွန်းရှိတယ် - အိန္ဒိယဟာ ဘာသာရေးနဲ့ ပက်သက်ပြီး အစုံလင်ဆုံး၊ အရှုတ်ထွေးဆုံး အများပြားဆုံး၊ ဖြစ်ပြီး မရှိတာ ဘာမှ မရှိဘူး တဲ့၊ Incredible of India ပဲပေါ့ ...

၁၁။ ဗုဒ္ဓ၏ တရားတော်များသည် သစ္စာလေးပါး အမှန်ဖြစ်သောကြောင့် ဘယ်နေရာ၊ဘယ်ဒေသ၊ ဘယ်ခေတ် ၊ ဘယ်အခါ ကာလ ရောက်နေသည်ဖြစ်စေ၊ နေရာဒေသ၊ အချိန်ကာလ၊ လူမျိုးစွဲ၊ ဘာသာစွဲ အပိုင်းအခြားမရှိပဲ  ကိုယ်တိုင် ကျင့်လျင် ကျင့်သလောက် အကျိုးခံစားခွင့်ရရှိနိုင်သည်။ ဘာသာခြားဖြစ်သောကြောင့်၊ လူမျိုးခြားဖြစ်သောကြောင့် တရားချမ်းသာကို မခံစား နိုင် ဟူ၍ ဘယ်သောအခါမှ မရှိခဲ့ပါပေ။
 ဂျိန၏ တရားတော်များသည် သစ္စာလေးပါး မဟုတ်သောကြောင့် အိန္ဒိယနိုင်ငံအတွင်း၌သာ ပျံ့နှံ့ နေဆဲဖြစ်သည်။

 သာဝတ္ထိမြန်မာကျောင်းဆရာတော် ဦးသြဘာသ ၏ မဇ္ဈိမဒေသ မြို့ရွာများမှ သမိုင်းရုပ်ကြွင်း 
မူရင်း.. http://www.dhammayaungchi.

No comments:

Post a Comment