“မြင်းမူမြို့ ပဇ္ဇောတာရုံကျောင်းတိုက်ဆရာတော် အိန္ဒိယနိုင်ငံသို့ကြွ”

" ဘုန်းတော်ကြီး ဦးဇောတိကအားလည်း ဗာရာဏသီဖြစ် ကောဇောကို အမှတ်တရအဖြစ် လှူဒါန်းခဲ့"
"ဆရာရှင်အားလည်း ကာသိတိုင်းဗာရာဏသီဖြစ် ကော်ဇောကို အမှတ်တရအဖြစ်လှူဒါန်းခဲ့ပါသည်"

မိမိသည် သာမဏေ ကိုရင်ဘ၀ မှာ အခြေခံစာပေ စာဝါများစတင် သင်ကြားပေးသော ဆရာရှင်သည် မိမိပညာသင်ရာဖြစ်သော အိန္ဒိယနိုင်ငံ ဗုဒ္ဒဂယာ မြေမြတ်မဟာနှင့်တကွ သံဝေဇနိယ လေးဋ္ဌာန နှင့်အ၀ိဇဟိတ လေးဋ္ဌာန ဘုရားဖူးကြွလာမည်ဖြစ်ကြောင်း မိမိ၏ ရဟန်းအမကြီးမှ ဖုန်းဆက်ပြီးအကြောင်းကြားပေးခဲ့သည်။ မိမိမှာ ငယ်စဉ်အခါက ပညာသင်ကြားပေးသော ဆရာရှင် ကြွလာမည်ဆိုသောကြောင့် ပျော်ရွှင်မိတော့၏။ ဆရာရှင် အိန္ဒိယနိုင်ငံအတွင်း၌ ဘုရားဖူးလှည့်လည်စဉ် ဆက်သွယ်မှုရရှိစေရန် ဟန်းဆက်နှင့်တကွ ဖုန်းကဒ် တို့ကို ပြုလုပ်ပေးထားခဲ့၏။ မတွေ့ရတာကြာပြီဖြစ်သော ဆရာရှင်အားဖူးမျှော်လိုသည် အမိမြန်မာပြည် ရောက်ရှိခိုက် တကူးတက သွားဘို့ အကြောင်းတရားမရှိ၍ မတွေ့ခဲ့ရသည့် နှစ်ပေါင်းအတော်ကြာမြင့်ခဲ့ချေပြီ။ မိမိပညာသင်ယူခဲ့စဉ်အတွင်း စိတ်သဘောထားကြီးစွာ အဂတိ လိုက်စားမှုကင်းရှင်းစွာဖြင့် စာသင်တိုက်ကြီးကို အုပ်ချုပ်ခဲ့သည့် အုပ်ချုပ်ခဲ့သည့်အလျှောက် အောင်မြင်မှုတွေ ဆွတ်ခူးနိုင်ခဲ့သည်။ မြင်းမူမြို့ကလေးသည် သေးငယ်၏။ မြို့အထွက်တွင်တည်ရှိ၏။ မိမိတို့နေထိုင်ခဲ့သော နှစ်တွင် ရေလုံလောက်စွာမရရှိခဲ့။(၁၃၄၆)ခု ဥပုသ်နေ့များတွင် ရာကောက်ကျောင်းအမည်ရှိကျောင်းကို လျှော်စရာသင်္ကန်းများယူကာ သွားရောက် ရေချိုးခဲ့ရ၏။ ရေရှားပါးခဲ့၏။ မှတ်မှတ်ရရ တခါတရံ မြို့ထဲနေသူ ဒကာ/မ တို့သည် မြစ်ထဲမှ ရေကို အိုးများကိုယ်စီရွက်စေလျှက် ကျောင်းတိုက်သို့ပို့ဆောင်ခဲ့ကြသည်။ပြန်လည်မြင်ယောင်မိတော့၏။ တနေ့ အမိ ပညာသင်ယူခဲ့သော ကျောင်းတိုက်၏ ငွေရတုအထိမ်းအမှတ်ပြုလုပ်၏။ ကျောင်းသားဟောင်းများစွာတို့ဖြင့်တွေ့ဆုံကြ၏။ ဘွဲ့တွေမမှတ်မိကြ အချင်းချင်းမှတ်မိနေမိ၏။ ၄င်းငွေရတု ပွဲတော်တွင်အမှတ်မထင် ရောက်ခွင့်ကြုံလိုက်၏။ ထိုအချိန်တွင် မိမိတို့နေခဲ့သည်နှင့် မတူညီတော့ ။ ရေတွေပေါ၏။ အဆောက်အဦးတို့သည်လည်းစီစီရီရီနှင့် သစ်သီး ၀လံတို့သည်လည်းဝေဆာလျှက် ဆရာရှင်သည် တပည့်တွေ နေရာဋ္ဌာနအသီးသီးမှ ရောက်လာကြသည်ကို တွေ့ရှိရ၍ ဆရာရှင်ရဲ့ အပြုံးပန်းကို ယနေ့ထိ မြင်ယောင်နေဆဲ။ ဆရာရှင်ရဲ့ လက်သုံးစကား ကောင်လေးတွေ ရောက်လာကြတယ်ပေါ့…တဲ့။မှတ်မိနေမိ၏။ ရွှေရောင် ကွက်ထားသော ရွှေသွားသည်လည်း တောက်ပလျှက် ဆရာရှင်၏ အပြုံးပန်းတို့သည် မမေ့နိုင်ခဲ့။ ဆရာရှင်ကျောင်းတိုက်တည် ၂၅ နှစ် ငွေရတု ပွဲ ဆင်နွဲခဲ့သည် မိမိတို့လည်း တတ်ရောက်နိုင်ခဲ့သည်။ ၂၅ နှစ်ပြည့်ငွေရတုကျောင်းကြီးသည်လည်း ၀င့်ကြွားထည်ဝါလျှက်။ ဆရာရှင်ကြွလာမည်ဆို၍ ဆရာရှင့်၏ သာမဏေဘ၀မှ ပညာသင်ကြားပေးခဲ့သည့် ဆရာရှင်၏ ကျေးဇူးကိုအောက်မေ့နေမိသည် တွေးတောနေမိသည်။ စာမေးပွဲ အထူးနီးကပ်သည့်အခါများတွင် နေ့လည် တနာရီထိုးသည်နှင့် ကျောင်းစဉ် လှည့်လည်ကာ တပည့်များကို စာကျက်ရန် နှင့် လိုအပ်သည့် စာများဖြည့်ဆည်းရန် အပင်ပန်းခံကာ လိုက်လံနှိုးဆော်ပေးခဲ့သည့် ပုံရိပ်တို့သည် မြင်ယောင်နေလျှက်။ ယ္ခု ဆရာရှင် မိမိပညာသင်ရာကြွရောက်မည်ဆိုတော့လည်း ဆရာရှင် အကြောင်းတွေ ဆရာရှင် ရဲ့ စေတနာပြည့်ဝမှုတို့ကို အောက်မေ့နေကာ အတွေးနယ်ချဲ့ခဲ့သည်။

ဆရာရှင်အိန္ဒိယနိုင်ငံသို့အရောက် အဆက်သွယ်မရရှိသေး။ လေယာဉ်ဆင်းပြီဆိုတာ သိနေမိသည် သို့သော် ဆရာရှင်သတင်း ဘာမှမသိရသေးခဲ့။ (၁၈ .၂.၂၀၁၂)ညနေအချိန် ဖုန်းဝင်လာသည် ဆရာရှင်၏ အသံမှတ်မိနေသည် အလွတ်ရနေသည်။ ဂင်္ဂါမြစ် နားရောက်နေပြီဟူသတဲ့။ မိမိလည်း ဆရာရှင်အားတွေ့ဘို့ အရေးတွေးပြီး တပါးထည်းအလုပ်ရှုတ်နေသည်။ ဆရာရှင်တို့ မဇ္ဈိမသုခကျောင်းမှာတည်းခိုမည်ဟု သိထားခဲ့သည်မို့ ထိုကျောင်းသို့ သွားစောင့်နေခဲ့၏။ တော်တော်နှင့်မရောက်လာခဲ့ချေ။ စိတ်ထဲမရိုးမရွဖြစ်နေမိတော့၏။ကားမီးတွေ့တိုင်းထွက်မျှော်မိသည်။ ဆရာရှင်တို့သည် မူလဂန္ဒကုဋီတိုက်ကို ၀င်ရောက်ဖူးမျှော်နေသည် .တဲ့။ လေယာဉ်ပေါ်ကဆင်းကထဲက ဘာဘုရားမှမဖူးခဲ့ရသေး။လေယာဉ်သည် ဂယာမြို့သို့ဆင်းခဲ့သည်။ အမှန်မှာဂယာမြို့ကို အရင်ဦးတိုက်သင့်၏ သို့သော် ဖူးဘို့နေနေသာသာ အိပ်တောင်မအိပ်ရဟူသတဲ့။ ရာဇဂြိုဟ်မြို့သို့ သွားရောက်အိပ်ခဲ့ရသည်။ ထှို ည အာရုဏ်ဆွမ်းဘုဉ်းပေးသည်နှင့် ဗာရာဏသီရွှေမြို့တော်သို့ အရောက်လာခဲ့တော့၏။ ဆရာရှင်နှင့်တကွ ဒကာ/မတွေရဲ့ ပြောစကားကြားနေရ၏။ လေယာဉ်ဆင်းကထဲက ဘုရားကို ဗာရာဏသီရွှေမြို့တော်မှာ ဖူးရသည်တဲ့။ ကား ဟွန်းသံသည် ရှည်ကြာစွာတီးလျှက် ဆရာရှင်တို့ ရောက်လာခဲ့ပြီကော.။အပြေးသွားကြိုသည် ထုံးစံအတိုင်းဆရာရှင်ကိုတွေ့သည်နှင့် အပြုံးနှင့်ဆီးကြိုကာ မိမိလည်းအိပ်ကိုယူကာ ဆရာရှင်တို့ နေရမည့်နေရာကို သွားရောက်ပို့ပေးရင်း ဆရာရှင်ကို ဦးချမိတော့၏။ ထွေရာလေးပါး ပြောဆိုကြသည်။ နောက်နေ့အာရုဏ်ဆွမ်းဘုဉ်းပေးပြီးသည်နှင့် ဗာရာဏသီရွှေမြို့တော်မှ သင်္ကဿမြို့သို့ခရီးဆက်ရမည်။ မိမိမှာ ဆရာရှင်အား မြတ်စွာဘုရား(၈)၀ါမြောက်ဝါဆိုတော်မူခဲ့သော ရှေးအတိတ်ဘ၀က မိဘတော်စပ်ခဲ့ဘူးသော နကုလပိတာ နကုလမာတာ တို့နေထိုင်ရာ သံသုမာဂိရိမြို့သို့ပို့ဆောင်ပေးမည် ရာမနန်းတော်လည်း ပို့ပေးမည်ဟု အတွေးတို့သည် ယ္ခု တော့ ဆရာရှင်တို့နှင့်ခဏတာတွေ့ဆုံခွင့် ရရှိခဲ့၏။ ည တနာရီနီးပါးခန့်ထိ စကားတွေပြောဖြစ်ခဲ့သည်။ မိမိ၏ ဆရာရှင်အား ဗာရာဏသီရွှေမြို့တော်ဖြစ် ကော်ဇော တထည်နှင့် မိုင်လိုတပုလင်း နှင့် အမိမြန်မာပြည် စာသင်တိုက်အား ဆက်သွယ်မှုရရှိစေရန် ဖုန်းတလုံး လှူခဲ့သည်။ သို့သော် ဆရာရှင်သည် ဖုန်း၏ တန်ကျေးကို စွန့်ခဲ့၏။ မိမိမှာ လှူတာဖြစ်ကြောင်းလျှောက်သော်လည်း ကော်ဇောလှူတာပဲ ဟူသတဲ့။ ဆရာရှင်နှင့် အတူကြွလာသော ဘုန်းတော်ကြီး ဦးဇောတိက(မိုးကုတ်)သည်လည်းမိမိတို့အား ပရိယတ္တိစာပေများ သင်ကြားပေးခဲ့သည်။ဘုန်းတော်ကြီး ဦးဇောတိက အားလည်း ကော်ဇောတထည်လှူဒါန်းခဲ့သည်။ ဘုန်းတော်ကြီး ဦးဇောတိက ၏ လက်သံသည်လည်းပြောင်မြောက်၏။ မိမိတို့ ဘုရားဝတ်ပြုချိန်တွင် မိမိသည် စကားပြောနေမိ၏။ ဘုန်းတော်ကြီး ဦးဇောတိက သည်လည်း မိမိ၏ ဦးခေါင်းအား ခေါက်၍ ဆုံးမခဲ့သည်ကိုလည်း အောက်မေ့နေလျှက် ကရုဏာတွေနဲ့ ဆိုဆုံးမခဲ့သည် ဟု ယ္ခု မှ သဘောပေါက်ခဲ့သည်။ ဆရာမှန်သမျှတို့သည် မုန်းလိုသော စိတ်ထားဖြင့်မပြုလုပ် ။နိုင်ထက်စီးနင်းမှုနှင့်လည်း မပြုတတ် အမှန်စင်စစ် ကောင်းစေလိုသော စိတ်စေတနာအပြည့်နှင့် ဆုံးမခဲ့သည်မှာ ဆရာတိုင်း၏ ပုံမှန်စိတ်ထားဖြစ်၏။ထိုည အဖို့ ဆရာရှင်နှင့် စကားပြောခဲ့ရသည်မို့ ပျော်ရွှင်မှုတို့ဖြင့်..။

ဆရာရှင်မှလည်း မိမိအား ပညာသင်စရိတ်အဖြစ် ဒေါ်လာ(၅၀)နှင့် မြန်မာကျပ်ငွေ (၁၅၀၀၀ိ)ဘုန်းတော်ကြီး

ဦးဇောတိကမှလည်း ဒေါ်လာ(၂၀)နှင့် သရီးရိုင်ဖယ် သင်္ကန်းတစုံ။ ဆရာရှင်၏ ရဟန်းအမများမှလည်း

ဝတ္ထုငွေ (၅၀၀၀ိ) နှင့် အကြော်အလှော်များ လှူဒါန်းခဲ့ပါ၏။

အဝေးရောက်တပည့် မှလည်း ဆရာရှင် မဇ္ဈိမဒေသခရီးစဉ်အား မပင်မပန်း ဖူးမျှော်နိုင်ပါစေ။

လိုရာခရီးပြီးပြည့်စုံပါစေ.လို့ တပည့် မေတ္တာပို့သအပ်ပါသည်ဘုရား.။