"မွေးနေ့ရှင်မှ ဆွမ်းကပ်အပြီး လက်အုပ်ချီမ၍"
"န၀ကမ္မ ရူပီး ၅၀၀ ကပ်လှူအပြီးမှာ"
"ဤသို့ တပါးစီ ကိုယ်တိုင်ကပ်လှူ၍"
"ရေစက်မချမီ စကားစမည်ပြောနေစဉ်"
"ရေစက်ချအပြီး မွေးနေ့ရှင် ဒေါ်ဝဏ္ဏသိင်္ဂီနှင့် ကြွလာသောသံဃာတော် ၅ပါး"
ဗာရာဏသီမြို့ ဓမ္မစကြ်ာတရားဦးဟောတော်မူရာ အနီးနားတွင် စရဏရပ်ကွက်ရှိ၏။
ထိုအနီးနားတွင် ပိုင်းလော့ဆရာတော်ဘုရား ဘန္ဒန္တဇေယျပဏ္ဍိတ အဖွဲ့မဇ္ဈိမဒေသ
ဘုရားဖူးလာစဉ်တွင် ဓမ္မရေအေးများ တိုက်ကျွေးရာနေရာတခုအဖြစ် တည်ထောင်ထား၏။
၎င်းဆရာတော်၏ အနီးနေ တရားနှင့်ပျော်မွေ့စွာ တရားဘာဝနာများအားထုတ်နေသော ဆရာတော်နှင့်
ခင်ရာဆွေမျိုး တော်စပ်သော အသက်(၃၅)နှစ်ခန့်မှ သာသနာ့နွယ်ဝင် သီလရှင်အဖြစ် တရားဘာဝနာများ
ပွားများပါများလာသည်နှင့်အမျှ လူဘောင်ကိုခွာ သာသနာ့နွယ်ဖွား သီလရှင်ဘ၀သို့ ရောက်ရှိလာခဲ့သည့်
ဆရာလေး ဒေါ်ဝဏ္ဏသိင်္ဂီ သည် ထိုနေရာ၌ နေထိုင်၏။ သူ၏ (၄၆)နှစ်မြောက်မွေးနေ့မင်္ဂလာပြုလုပ်သည်။
စုစုပေါင်း (၅)ပါးပင့်ဖိတ်ပြီး ခေါက်ဆွဲကြော်ဆွမ်းကပ်လှူ၏ အလိုရှိရာသုံးစွဲရန် ရူပီးငွေ (၅၀၀) စီလှူဒါန်း၏။
မိမိတို့မှာလည်း နိုင်ငံရပ်ခြားတိုင်းတပါးမှာ နေခဲ့သည်..သို့သော် ဒီလို ဆွမ်းပင့်ဖိတ်ပြီးကပ်လှူခြင်းကို ပထမအကြိမ်အဖြစ် ဘုဉ်းပေးခွင့် ရရှိခဲ့သည်။
ပီတိဖြစ်ဖွယ်ကောင်းစွ။ ထိုနေရာဒေသမှာ ၀ိပဿနာတရားများ (၅)ရက်ခန့်မျှ ပြုလုပ်ခဲ့ဘူးပြီဟူ၏။
ဘုရားဖူးအဖွဲ့တို့သည် သံဝေဇနိယလေးဋ္ဌာနလည်း ဖူးခွင့်ရရှိခဲ့သည်။ ထိုကဲ့သို့သော နေရာဒေသမှာ
တရားဓမ္မများငြိမ်သက်စွာ အားထုတ်နိုင်ခဲ့ကြ၏။ဤနေရာသည် မြတ်စွာဘုရားသည် အရှင်ကောဏ္ဍည အစရှိတဲ့
ပဉ္စ၀ဂ္ဂီ(၅)ဦးအားတရားဦးဟောသည့်နေရာမြတ်။ ရဟန္တာတွေ များစွာစတင်ဖြစ်ပေါ်ခဲ့သည်နေရာမြတ်။ သံဃာရတနာ
စတင်ဖြစ်ပေါ်ခဲ့သည့်နေရာမြတ်လည်းဖြစ်သောကြောင့် ဓမ္မမိတ်ဆွေများအနေဖြင့် ထူးကဲသော ဘာဝနာများ
ပွားများခွင့် ရရှိခဲ့သည်နေရာဆိုကမှားအံ့မည်မဟုတ်။ မိမိကြက်သီးမွေးညှင်းများထလျှက် ဘာသာတရားကင်းကွာနေသော
မဇ္ဈိမသားတို့နေရာမှာ တရားဓမ္မများလာရောက်ပွားများကြခြင်းသည် မြန်မာလူမျိုးတို့၏ ထူးခြားမှုတခု ဖြစ်၏။
ပိုင်းလော့ဆရာတော်သည် အမိမြန်မာပြည်တွင်လည်း ထင်ရှားကျော်ကြားသောဆရာတော်တပါးဖြစ်၏။
သူ၏ ပရိသတ်ကိုလည်း ဓမ္မအရသာ ကို မြတ်စွာဘုရားတရားဦးဟောရာမြေမြတ်မဟာတွင် ကျင့်သုံးစေခဲ့သည်။
ဆရာလေးအကြောင်းဆက်ပါဦးမည်.အိန္ဒိယနိုင်ငံထဲတွင် မိန်းမသား (၃)ဦးနေထိုင်ရဲသည့်သတ္တိကိုလည်းလေးစားမိ၏။
ဗီဇာရသမျှ ထို အိမ်ကြီးထဲမှာ ဓမ္မအလုပ်တွေ လုပ်ဆောင်နေ၏။ ထိုအိမ်ကြီးသည်လည်း သန့်ရှင်း၏။လှပ၏။
ခိုင်ခန့်၏။ တလပေးရသည့် လခသည်လည်းအများသား ရူပီး၁၂၀၀၀ ဟူသတတ်။ ထိုနေရာမှာ ၀ိပဿနာအလုပ်စခန်းကို
မကြာသေးခင်က (၇.၂..မှ.၁၁.၂) ထိ ၅ရက်တိုင်တိုင် ပြုလုပ်သွားကြ၏။ စားရေးသောက်ရေးတို့ကို ဆရာလေးနှင့်အတူ
ခပ်ငယ်ငယ်ဆရာလေးတပါးနှင့် သိင်္ဂီနွယ်ဆိုသောကလေးမတို့ စီမံကာ ဝေယျာဝစ္စကုသိုလ်များ ပါဝင်ဖြည့်ဆည်း ကုသိုလ်ပေးခဲ့ကြသည်။
ထိုအိမ်၏ စရိတ်စားခများကို စင်္ကာပူနိုင်ငံတွင် ရှိသော ဆရာလေးနှင့် ပိုင်းလော့ဆရာတော်၏ ထောက်ပန့်မှုဟု သိခဲ့ရ၏။
ထိုအိမ်၏ ဖွဲ့စည်းမှုတို့ကိုအကဲခတ်ကြည့်မိ၏။ပတ်ဝန်းကျဉ်သန့်ရှင်းစေသည်။ မွေးနေ့ရှင်သည် မိမိတို့ကြွလာခိုက် ဝေယျာဝစ္စအလုပ်တို့ဖြင့်
အလုပ်ရှုတ်နေ၏။ မွေးနေ့ရှင်ဆရာလေးနှင့် အခြားဆရာလေးတပါး တကာမခပ်ငယ်ငယ်တယောက် နေ့ဆွမ်းအဖြစ် သဟတ္ထိကအဖြစ် ကပ်လှူကြသည်။
ဒီနေ့အဖို့ မွေးနေ့ရှင် ဆရာလေးသည် အသက်(၄၆)နှစ်မွေးနေ့မှသည် နှစ်ပေါင်းတရာတိုင်အောင် ၀ိပဿနာဓူရ တရားဓမ္မများ
ကျင့်ကြံကျိုးကုတ်အားထုတ်နိုင်သော သူတော်စဉ်အဖြစ် ထာဝရပ်တည်နိုင်ပါစေ.လို့ ကောင်းမြတ်သော သမ္မာဆန္ဒဖြင့် ဤဘလော့၌
အမှတ်တရအဖြစ်တင်လိုက်ပါ၏။
“မွေးနေ့ရှင်အတွက် ကျောင်းသားလေး၏ ဓမ္မလက်ဆောင်”
အနေနီးသောသူဖြစ်ပါစေ ဆိုတာ မိမိတို့ အမိမြန်မာပြည်သူပြည်သားအပေါင်းတို့သည် မြတ်စွာဘုရား သဗ္ဗညုတဥာဏ်ရရှိခဲ့သည်
မြေမြတ်မဟာ။ ဓမ္မစကြာတရားဦးဟောတော်မူရာမြေမြတ်မဟာ။ ပရိနိဗ္ဗာန်စံတော်မူရာဋ္ဌာနတို့ နှင့် ဝေးကွာသော်ငြားလည်း
မြတ်စွာဘုရားနှင့်ပတ်သတ်သော နေရာဋ္ဌာနတို့ကို လာရောက်ဖူးမျှော်ပြီးသံဝေဂ လည်းရသလောက် ရစေနိုင်ခဲ့သည် မြတ်စွာဘုရား၏
အဆုံးအမတော်အတိုင်းလိုက်နာကျင့်ကြံပွားများအားထုတ်နိုင်ကြကုန်၏။ အနေဝေးသော်ငြားလည်း မြတ်စွာဘုရားဟောဖေါ်ညွှန်ကြားဆုံးမစကားတို့ကို
လိုက်နာခြင်းအားဖြင့် အနေဝေးသော်ငြားလည်း မြတ်စွာဘုရားနှင့် အနေနီးသူဟူ၍ မှတ်ယူရမည်။ မဇ္ဈိမသားတို့သည် အနေပင်နီးသော်ငြားလည်း
မြတ်စွာဘုရား၏ အဆုံးအမကိုလည်းမခံယူလိုပဲ အယူသီးမှု ဇာတ်နိမ့် ဇာတ်မြင့် ခွဲခြားပြီး မာနတွေရစ်မူးကာ အတ္တ၀ါဒကိုအခြေခံပြီး
ဘာသာတရား အားနည်းကာ အယူသီးမှု ၀ါဒကိုလက်ခံကျင့်သုံးပြီးမြတ်စွာဘုရားနှင့်အနေနီးသော်လည်း အနေဝေးနေသောသူဟူ၍ မှတ်ယူရပေမည်။
မွေးနေ့ရှင်ဆရာလေး ဒေါ်ဝဏ္ဏသိင်္ဂီ သည်မြတ်စွာဘုရား၏ အဆုံးအမ သြ၀ါဒကိုလက်ကိုင်ထားပြီး လောကီလူ့ဘောင်ကို ပယ်ခွာလျှက်
သာသနာ့နွယ်ဝင်ဆရာလေးအဖြစ်ရပ်တည်ကာ ၀ိပဿနာအလုပ်များလုပ်နေခြင်းအားဖြင့် မြတ်စွာဘုရားနှင့်အနေနီးသော သူအဖြစ်
ထာဝရ ရပ်တည်နိုင်ပါစေ ဟု ဆုမွန်ပတ္ထနာပြုရင်း. ဓမ္မလက်ဆောင်ပေးလိုက်ပါကြောင်း..။
No comments:
Post a Comment