မိသားစုနှင့်အမှတ်တရပေါ့
ဒီနေ့ အိန္ဒိယနိုင်ငံ ရဲ့HOLI ဟု ခေါ်သော သင်္ကြန်နေ့တည်း။ အမိမြန်မာပြည်လို ရေဖြင့် ပတ်ဖြန်းခြင်းတော့မဟုတ်။ ဆေးကာလာရောင်စုံတို့ဖြင့် ပတ်ဖြန်းကြ၏။ ဦးခေါင်းတွေ အင်္ကျီတွေမှာ ဆေးကာလာတွေနဲ့ရောပြွမ်းနေတဲ့ အိန္ဒိယ နိုင်ငံ၏ သင်္ကြန်ကား ထူးခြားပေစွ။ မိမိလည်းဒီနေ့အတွက်ထူးခြားတဲ့နေ့တနေ့ ဆိုလျှင်လဲမမှားခဲ့ချေ။ အကြောင်းကား အိန္ဒိယနိုင်ငံ၏ ပထမဦးဆုံး ဂျပါတီကို မိမိသွားနေကြမိသားစုအိမ်မှ မနေ့ညက ပြောလိုက်ခဲ့သည်။ မနက်ဖြန် “ဘန္တေကြီး”ပူတီလာစားပါဟု ဖိတ်ခေါ်ခဲ့သည်။အမိမြန်မာပြည်မှာဆိုလျှင်တော့ပူတီ ဘုဉ်းပေရန်ပင့်ဖိတ်သည်ပေါ့။ ယ္ခု မူ ပူတီလာစားပါ ဆိုတော့လဲ မိသားစုလို ဖြစ်နေသည့်အလျှောက် သွားရောက်ပြီး ဘုဉ်းပေးခဲ့၏။ အား…ပါး…။ဒီနေ့ တယ်ထူးဆန်းနေပါ့လား။ ပူတီကို ပုဂံထဲ၎ ချက်ခန့်လောက်ထည့်ထား၏။ အာလူး ပဲသီးများ ငြုပ်သီးများဖြင့် ရောနှောကာချက်ထားသော ဟင်းတခွက်။ သရက်သီးဖျော်ရည်ကတပုလင်းပေါ့။ အန်ဂူး=သပျစ်သီးကတပုဂံ။ နောက်အိန္ဒိယနိုင်ငံ၏ အားအထားရဆုံးသော မိထား=ဟုဆိုသော မလှိုင်မုန့် အချိုမျိုးစုံဖြင့် ကျွေးမွေး၏။ ဒီနေ့ HOLI ဒေးပေါ့။ မိမိလည်း သူတို့ပြောသောစကားနားလည်သိအခါရှိ၏။နားမလည်သော စကားတို့လည်းရှိ၏။ သူတို့လည်း မိမိပြီးသည်နှင့် ဝေငှ၍ မိန်ရေ ရှက်ရေ စားသောက်နေကြတာတွေ့၍ ပီတိတော့အဖြစ်သား။ သို့သော်..သို့သော်ငြားလည်း..မိမိမှာတော့ နဂိုရ်ကမှ ဂျီးများတတ်သော မိမိအဖို့ ၂ ချက်ခန့်လောက် ကျေနပ်စေရန် ဘုဉ်းခဲ့၏။ ညီမငယ်မှအနားမှနေ၍ ဗဟု ခါးနားဟဲ..ဟု ပြောနေသည်။ မာတာကြီးမှလည်း ဟင်းများကိုထည့်ပေးသည်။သို့သော်မိမိမှာကား..အစာဂျီးများတတ်၍ ပူတီကို စားရေနဲ့မျှောချမိ၏။ သရက်သီးဖျော်ရည်လေးဖြင့် မြိုချရသည်။ မစားတတ်။ ပြီးမှ မလှိုင်မုန့်များ အန်ဂူးခေါ် သပျစ်သီးများကိုများများစားခဲ့သည်။ ဗိုက်တော့ အတင်းသား။မိမိမှလည်း မိသားစု ကို ချိုချဉ်=သကြားလုံး ၇ လုံးခန့်စီဝေငှသည်။ အပြန်လမ်းမှာတော့ ပီတိတို့ဖြင့် အတွေးလေးကို တွေးပြီးပြန်အလာ လမ်းတနေရာအရောက်မှာ “ဘန္တေကြီး”ဆိုပြီး ဆေးကာလာတို့ဖြင့် ပတ်ရန်ကြံရွယ်နေသော လူငယ်တစု မိမိသည်လည်း ဆေးကာလာတွေနဲ့ပတ်ခံရမည်ကို ကြောက်သောကြောင့် နောက်ပြန်လှည့်ပြီး သုတ်ခြေတင်ခဲ့ရ၏။ ဒီနေ့ အဖို့ မဇ္ဈိမသားတွေရဲ့ ပင့်ဖိတ်သော=ပူတီစားရတဲ့နေ့တနေ့တည်း။ လွန်ခဲ့သည့် ၃ နှစ်မှလည်း ၄င်းမိသားစုသည် မိမိအားမြန်မာပြည်အပြန် ခြုံထည်တထည်လှူခဲ့ဘူး၏။ ဒီနေ့သည် အိန္ဒိယနိုင်ငံ၏ HOLIDAY ဖြစ်၏။ မိမိသည်လည်း ထူးဆန်းတဲ့နေ့တနေ့အဖြစ် မှတ်တမ်းတင်လိုက်ပါ၏။ မကြာခင် လမ်းဆုံလမ်းခွ၌ သစ်ပင်ကြီးများ သစ်ခိုင်းများ ထောင်လျှက်ပုံထားကြ၏။ ထို သစ်ကိုင်းကြီးများကို မီးရှို့ကြတော့မည်။ ဘာကိုပူဇော်သည်ဟု မေးကြည့်သောအခါ သရဲကြီးများကို ပူဇော်သည်ဟူသတတ်။
No comments:
Post a Comment