ရှင်ဒေ၀ဒတ်အကြောင်း (၂)

အရှင်အာနန္ဒာသည် သောတာပန်တည်၍ ဘုရားရှင် ပရိနိဗ္ဗာန်ဝင်စံပြီးနောက် ပထမ သင်္ဂါယနာ မတိုင်မှီ(သင်္ဂါယနာတင်မည့်နေ့ မိုးသောက်အခါ ဣရိယာပုထ်လေးပါးမှ လွတ်သော ရဟန္တာ အဖြစ်ဖြင့်)ရဟန္တာဖြစ်တော်မူ၏၊ အရှင်အာနန္ဒာသည် ရဟန္တာဖြစ်မှု၌သာ ထူးခြားသည် မဟုတ်၊ ပရိနိဗ္ဗာန် ၀င်စံသော အခါ၌လည်း ထူးဆန်းသည်သာ ဖြစ်ပါ၏၊
အရှင်အာနန္ဒာသည် သက်တော် ( ၁၂၀ ) ရောက်သောအခါ ရောဟိနီမြစ်၏ အလယ် အထက်
ကောင်းကင်ယံ ထန်းခုနှစ်ဆင့်လောက် မြင့်သောအရပ်၌ တေဇောကသိုဏ်းဝင်စားတော်မူ၍ မိမိ
ခန္ဓာကိုယ်ကို နှစ်ချမ်းဖြစ်စေလျှက် ရောဟိနီမြစ်၏ဟိုဘက်ကမ်း ဒီဘက်ကမ်းသို့ ဓာတ်တော်များ
ကို ကျစေကာ ပရိနိဗ္ဗာန် ၀င်စံတော်မူခြင်း ဖြစ်၏၊ (အရှင်အာနန္ဒာသည် တစ်သာသနာလုံး၌ ဧတဒဂ်ဘွဲ့ထူး အများဆုံးရသော ထူးခြားသည့် မထေရ်မြတ်လည်း ဖြစ်ပါ၏၊ အရှင်အာနန္ဒာ ပိုင်ဆိုင်သောဧတဒဂ်ဘွဲ့ထူးများမှာ “ ဥပဋ္ဌက . သတိမန္တ . ဂတိမန္တ . ဓိတိမန္တ . ဗဟုဿုတ ” ဘွဲ့ထူးများဖြစ်ပါ၏၊

အရှင်ဘဂု အရှင်ကိမိလ မထေရ်နှစ်ပါးတို့သည်လည်း ၀ိပဿနာတရားများ ရှုပွားတော်မူကြ၍ ရဟန္တာ ဖြစ်တော်မူကြ၏၊ ဘဂုတ္ထေရောစ ကိမိလတ္ထေရောစ အပရဘာဂေ ၀ိပဿနံ ၀ဎေတွာ အရဟတ္တံ ပါပုဏိံသု၊ ယင်းကိုထောက်ဆ၍ မဂ်ဖိုလ်ရဘုိ့အတွက် “ ၀ိပဿနာ ရှုရန်မလိုဟု ” ယူဆသူများ သတိထားသင့်ပါ၏၊ ထို့ပြင် ရှင်တော်မြတ်ဘုရား “ သီလေ ပတိဋ္ဌာယ နရော သပညော၊ စိတ္တံ ပညဉ္စ ဘာဝယေ ” ဟု ဟောထားတော်မူခြင်းကိုလည်း နှလုံးသွင်းသင့်လှပါ၏။

အရှင်ဒေ၀ဒတ်သည် “ သီလ သမာဓိ ” နှင့် ပြည့်စုံသူလည်း ဖြစ်ပါ၏။
အရှင်ဒေ၀ဒတ်သည်လည်း အများနည်းတူ သီလကို စင်ကြင်အောင် ထိမ်းသိမ်းစောင့်ရှောက်၍
ဘာဝနာတရား ရှုမှတ်ပွားတော်မူပါ၏၊ သီလ သမာဓိ ပညာသုံးဆင့်တွင် အလယ်အဆင့်ဖြစ် သောသမာဓိအရာ၌ လောကီ တန်ခိုးဖြစ်သော တန်ခိုးဖန်ဆင်ခြင်း ဣဒ္ဓိ၀ိဓအဘိဥာဉ်အဆင့်ထိ တက်လှန်းနိုင်ခဲ့ပါ၏။ သို့သော် လောကီဈာန်အရာသာ တည်သူဖြစ်၍ ကိလေသာများ အကြွင်းမဲ့ ပယ်သတ်နိုင်သည့်( မဂ်ပညာ ) အဆင့်ထိကား မရောက်သေးပါ။ထို့ကြောင့် ပုထုဇဉ် ဘ၀မျှသာ တည်နေပါသေး၏၊

ထို့နောက် လာဘ်လာ အခြံအရံ ကျော်ကြားမှုကို ဦးစားပေးလျှောက်လှမ်းမိရာမှ ဘုရားရှင်ကိုပင်
အန်တု အန္တရာယ်ပြုသည့်အထိ မိုက်တွင်းနက်သည့် ရဟန်းဆိုးကြီးဘ၀ ရောက်သွားရခြင်း ဖြစ်ပါ၏၊ အားငယ်ရာမှ အားပြိုင်လိုသည့်စိတ်ဓာတ်ဝင်သွားသောကြောင့် နာမည်ပျက်ထွက်သွား ရခြင်း ဖြစ်၏၊

ယင်းစကားကို အနည်းငယ်မျှ ရှင်းပြပါအုံးမည်။ မြတ်စွာဘုရားရှင် ကောသမ္ဗီပြည်၌ သီးတင်းသုံး စံနေတော်မူစဉ် ရဟန်းတော်များ လာဘ် လာဘ ပေါများနေချိန်ဖြစ်၏၊ လူအများစုသည် သင်္ကန်း ဆေးပစ္စည်း စသည်များကို ယူဆောင်လာကြလျှက် “ မြတ်စွာဘုရား ဘယ်မှာ သီတင်းသုံး တော်မူပါလဲဘုရား၊ အရှင်သာရိပုတ္တရာ. အရှင်မောဂ္ဂလာန် အရှင်မဟာကဿပ အရှင်ဘဒ္ဒိယ အရှင်အနုရုဒ္ဓါ အရှင်အာနန္ဒာ အရှင်ဘဂု အရှင်ကိမိလတို့ ဘယ်ကျောင်းဆောင်မှာ သီတင်းသုံး ကြပါသလဲဘုရား စသည်ဖြင့် မေးမြန်း၍ ၀င်ထွက်သွားလာ ကြကုန်၏၊

အရှင်ဒေ၀ဒတ်ကို မေးမြန်းသူ တစ်ဦးတစ်ယောက်မျှ မရှိပေ၊ ထိုအခါ အရှင်ဒေ၀ဒတ်၏ အတ္တ မာနလောဘသည် ပါးပျဉ်းထောင်၍ လာတော့၏၊ ငါလည်းပဲ သူတို့နှင့်အတူ ရဟန်းပြုလာသူပဲ၊ နောက်ပြီး သူတို့လည်း ခတ္တိယမျိုးက ရဟန်းပြုလာသူ၊ ငါလည်း ခတ္တိယမျိုးက ရဟန်းပြုလာသူ အတူတူပဲမဟုတ်လား၊ ဒါပေမဲ့ ဒီလူတွေဟာ လှူဖွယ်ပစ္စည်းတွေ ယူဆောင်လာကြပြီး သူတို့ကိုသာ ရှာမှီးကြတယ် မေးမြန်းကြတယ်၊ ငါ့ဆီတော့ ဘယ်သူတစ်ဦးတစ်ယောက်မှ မလာ ဘူးဟု အားငယ်စိတ် ၀င်လာ၏၊ ငါလည်း လာဘသက္ကာရကို ရအောင် ဖန်ရမယ်၊ ဘယ်နည်းနှင့် ဘယ်သူ့ကို ငါချဉ်းကပ်ရ ကောင်းမလဲ၊ ဤသို့ဖြင့် “လာဘသက္ကာရ ” ရဖို့ရန် အရှင်ဒေ၀ဒတ် သည် “ လဲ ” ပေါင်းစုံဖြင့် စဉ်းစားခန်းဝင်ရင်းမှ အသက်ငယ်ပြီး အရောင်ဆိုးရ လွယ်ကူသော မင်းသားငယ် (မင်းလောင်း ) အဇာတသတ်ကို မြွေများဖန်ဆင်း၍ အံ့သြဖွယ်ကိုပြကာ ကြည်ညို စေလျှက် ဒကားရင်းဖြစ်စေအောင် သွေးဆောင်ခဲ့၏၊ အဇာတသတ်သည် “ အံ့သြဖွယ်ကို မြင် လိုက်ရ၍ အရှင်ဒေ၀ဒတ်ကို အားကိုးရာ အစစ်ဟူ၍ထင်မှတ်သွား၏၊ ကြည်ညိုသွား၏၊ တနည်း အားဖြင့် ထင်မှတ် မှားသွား ခြင်းဖြစ်ပါ၏

ထို့ကြောင့် ရှင်တော်မြတ်ဘုရား က “ အံ့သြဖွယ်ကို ပြသော ဣဒ္ဓိပါဋိဟာရိယသည် အားကိုး စရာ အစစ်မဟုတ်၊ လမ်းမှားကို ကြဉ်၊ လမ်းမှန်ကို ယှဉ်စေသည့် အနုသာသနပါဋိဟာရိယ သည်သာလျှင်အားကိုးစရာဖြစ်၏ဟုမိန့်တော်မူခဲ့ပါ၏၊(ဆင်ခြင်ဥာဏ်မဲ့လျှက်အထူးအဆန်းကိုအား

ကိုးရာထင်သူများ သတိထားဖွယ်ပင် ဖြစ်ပါ၏၊) ဤသို့ဖြင့် အရှင်ဒေ၀ဒတ်သည် လာဘသက္ကာရ နောက် လိုက်ရင်း လိုက်ရင်းဖြင့် မိုက်တွင်းနက်သူ ဖြစ်သွားရရှာ၏၊ “ သီလ သမာဓိ ” တို့ဖြင့် ဖြူစင်နေသော သူ့ဘ၀ သူ့အလှကို လာဘသက္ကာရက ဖျက်ဆီးပစ်လိုက်ခြင်း ဖြစ်ပါ၏၊ “၀ါးသီး သည် ၀ါးပင်ကို ပြန်သတ်၏ ငှက်ပျောသီးသည် ငှက်ပျောပင်ကို ပြန်သတ်၏၊ အဿတိုရ်မြင်း ဖွါးခြင်းသည် မိခင်ကို ပြန်သတ်၏၊ လာဘသက္ကာရသည် လက်ခံသူကို သတ်တတ်ပါ၏ ” တဲ့ မှန်၏ အရှင်ဒေ၀ဒတ်သည် လာဘသက္ကာရကို လက်ခံမှား၍ သူ့ဘ၀ အသတ်ခံလိုက်ရခြင်း ဖြစ်ပါ၏၊ အကယ်၍သာ “ အညာ ဟိ လာဘူပနိသာ၊ အညာ နိဗ္ဗာနဂါမိနီ၊ သက္ကာရံ နာဘိ နန္ဒေယျ၊ ၀ိဝေက မနုဗြူဟယေ ” ဟူသော ရှင်တော်ဘုရား၏ စကားကို အရှင်ဒေ၀ဒတ် အချိန်မီ ဆင်ခြင်နှလုံးသွင်းမှိလျှင် ဤကဲ့သို့ ဖြစ်လာနိုင်မည် မဟုတ်ချေ။ ယခုမူကား….။

အရှင်ဒေ၀ဒတ်သည် မိုက်ရင်း မိုက်ရင်းမှ အမှားကို မြင်လာ၍ ပြင်လိုသူ ၀န်ချလိုသူ သူတော်
ကောင်းစိတ်ဓာတ် ရှိသူလည်း ဖြစ်ပါ၏၊...အလင်းသစ် ဆီက ပါ